I møte i Granvin heradsstyre 13.02.13 vart det gjort følgjande vedtak;

1. Granvin heradsstyre vil presisera at lang tunell i Haukanes ville vore ei betre løysing heilskapleg sett for Fv 7 og for gardstunet Haukanes. Granvin heradsstyre ser likevel at Fylkestinget ikkje har løyvd midlar til lang tunell.
2. I medhald av plan- og bygningslova § 12-12 godkjenner Granvin heradsstyre sak nr. 11/212 Detaljreguleringsplan Fv 7 Haukanesberget, revidert  framlegg - planomtale, føresegner og kart dagsett 30.11.12, konsekvensutgreiing november 2012 og ROS-analyse oktober 2011, med følgjande punkt:
   1. Granvin herad vil at SVV tar kontakt med private aktørar med godkjent plan/løyve om bruk/lagring av tunnelmassar. Granvin herad kan bidra til å koordinera dette. Granvin herad ønskjer framleis å ta imot massar i sentrum til samfunnsnyttige føremål.
   2. Det må i anleggsperioden takast særskilt omsyn til landbruksdrift og bustad på Haukanes.
   3. Tunnelsprenging og dumping av massar i sjøen bør skje i tida juli – desember. Dersom ein treng lenger tid er det best å bruke januar – februar.
3. Tillegg i føresegnene:

§ 2.2: Statens vegvesen skal etter at veganlegget er ferdig, gjennomføra ei vurdering av vegtrafikkstøy i Haukanes med tanke på avbøtande tiltak.

§ 4.1: Mellom nausta skal det sikrast tilkomst på nedsida av vegen på ein slik måte at den også kan nyttast til landbruksføremål.

§ 7.1: Som del av utfylling av tunellmassar i Haukanes kan det, om grunneigar ynskjer det, leggjast til rette for badeplass, båtplass/hamn med tilkomst til sjø.

1. Granvin herad er kritiske til prosessane i samband med reguleringsplanarbeid. Heradet vil ta dette opp politisk og administrativt med Hordaland Fylkeskommune.

Kommunestyret sitt vedtak om reguleringsplan kan påklagast til Fylkesmannen jfr. § 12-12 og § 1-9 i plan- og bygningslova og kap. VI i forvaltningslova. Klagefristen er 3 veker frå denne kunngjeringa og skal sendast via Granvin herad. Ein viser og til vilkåra i §§ 15-2 og 15-3 i plan- og bygningslova som omhandlar krav om innløysing og erstatning for tap ved reguleringsplan.

Eventuelle spørsmål kan rettast til teknisk etat – planavd., Granvin herad, Pb 13, 5733 Granvin eller postmottak@granvin.kommune.no

Sjå les meir for saksdokument

Statens vegvesen har med bakgrunn i innkomne merknadar, heradsstyrevedtak 19.09.2012, og etter ønske frå Hordaland fylkeskommune revidert framlegg til reguleringsplan for fv. 7 Haukanesberget i Granvin herad. [30.11.2012]  

Endringa går ut på at prosjektet er forlenga omkring 300 m i aust gjennom opprusting av eksisterande veg. I samsvar med Plan- og bygningslova §§ 3-7 og 12-10 kunngjer Statens vegvesen med dette at planen er utlagt til offentleg ettersyn.

Kontaktpersonar for planarbeidet i regi av Statens vegvesen er: Jonas Dalland, tlf 55 51 63 44, e-post jonas.dalland@vegvesen.no (prosjektleiar) eller Hilde Gunn Stenseth, tlf 56 52 02 07, e-post hilde.stenseth@vegvesen.no (planbestillar)

Open kontordag
Statens vegvesen arrangerer open kontordag på Jaunsen Gjestgjevarstad tysdag 18. desember klokka 15-18. Ein vil oppmode om at alle som har spørsmål eller innspel i plansaka møter opp i løpet av denne tida.

Planen kan finnast: i papirutgåve på tenestetorget i heradshuset i Granvin og på Voss vegkontor. I tillegg ligg dokumenta i digital form - sjå her

Dei som har merknadar, spørsmål, opplysningar eller innspel planen kan innan 14. januar 2012 sende desse skriftleg til: Statens vegvesen Region vest, Askedalen 4, 6863 Leikanger, merka ”Saksnummer 2010014005”. Alternativt e-postadresse firmapost-vest@vegvesen.no

I møte i Granvin heradsstyre 19.09.12 vart det gjort følgjande vedtak;

HS-044/12 Vedtak:

Tilrådinga frå formannskapet vart samrøystes vedteken:

Granvin herad godkjenner ikkje framlegg til detaljreguleringsplan (alt. H1) for Fv 7 Haukanesberget.

Grunngjeving:

Planen tek ikkje omsyn til den smale og lite oversiktlege vegstrekninga forbi Haukanes, og Granvin herad meiner at dette gjev ei dårleg løysing med omsyn til trafikktryggleik.

Granvin herad meiner at planen ikkje vernar kulturmiljø, landskap og landbruk i tråd med konsekvensutgreiinga i planen.

Granvin herad meiner at bruk av overskotsmassar slik det vert lagt opp til i planen ikkje er i samsvar med samfunnsnyttig bruk.

Viser til tidlegare heradsstyrevedtak og brev av 19.04.12, 16.05.12 og 12.06.12 i saka.

Kommentar frå administrasjonen: Dette betyr i praksis at planen no vert send attende til administrasjonen for ny handsaming. Me vidaresender dette ønskjer til tiltakshavarane: Hordaland Fylkeskommune og Statens Vegvesen.

Plandokument og saksutgreiing er lagt ut på kommunen sine internettsider, www.granvin.kommune.no under planar. Epost med einslydande brev og saksdokumenta som vedlegg har blitt sendt til alle høyringsinstansar. Ta kontakt for ettersending av dokument på papir.Eventuelle spørsmål kan rettast til teknisk etat - planavd., Granvin herad, Pb 13, 5733 Granvin eller postmottak@granvin.kommune.no

Sjå les meir for relevante saksdokument.